Ato Gyod Nga Ipadayon ang Kalamboan sa Bag-ong Tuig 2009

Wala ni nako makalimti nga "blog". Naa man gud kita'y ubay-ubay nga mga "websites" nga nagkinahanglan gyod og pagtagad hilabi na katong mga "self hosted". Bisan pa niini padayon gyod kita sa paglambo sa karong bag-ong tuig 2009 og sa uma-abot pa nga katuigan.

Maayong Bag-ong Tuig kaninyong tanan.

Padayon Ta

Padayon gyod gihapon ta. Ako nang gilatid diri ang pamaagi sa pagkab-ot sa bahandi nga makuha nato pinaagi sa internet. Imo nalang paglihok ang kuwang busa kugi lang gyod.

Niaging tuig ra ko nagsugod og pagpugas sa dako nga hawanan sa internet og karon ako nang naani ang uban nako nga natanom. Pagpugas na og kung naa kay pangutana post lang diri.

Ang Pagbalik

Sus, hapit na gyod ni nako makalimtan nga blog pila na kabuwan. Ang english blog man gud ang akong gi-una.

Nagpadayon gihapon ta og kita og kwarta. Kung sundon lang ang mga angay nga buluhaton sayon ra gyod. Kani lang sa. Mubalik lang ko sa dili madugay.

Sharing

Kung gusto mong magpatabang sa iyong affiliate program endeavor ingna lang ko para atong matabangan. Akong nabantayan ron nga mas dako og kita ang akong affiliate program kay sa adsense nabawi na gud ang akong gi-invest nga oras og gamay nga kwarta. Kung magbuhat ta grupo para sa affiliate marketing dako ang kahigayonan nga motaas ang ranggo sa atong blog sa search engine og dako sa ang kahigayonan sa conversion. Naa ra ko diri magpaabot sa gustong muapil sa grupo og para sad link exchange kung kinsa'y gusto. Post lang og comment diri kay ako dayong tubagon.

Laing Affiliate Income Nga Oportunidad

Nindot sad ni nga affiliate nga programa. Ang buhaton nimo ani mao ra gihapon, magpamyembro lang ka dayon imo impromote ang ilang mga produkto sa imong website o blog. Kopyahon lang nimo ang mga linking code og banners daug na. Kung naay mupalit sa produkto tagaan ka og commission. Pilia lang ang mga produkto nga ipromote kay naay mga adult oriented. Kasagaran sa akong gipili mga weight loss supplements.

Pislita lang ni nga link para magpamyembro, More Niche.

Ang Akong Na-income sa Internet

Daghan ang mangutana kung pila ang akong nakita sa internet. Ang nakita karong buwana mga 400 dollars na. Dako na kaayo ni kay labaw pa ni og sweldo sa manager kung atong itandi sa mga nagtrabaho diri kay hapit na ni mo 20 mil kung iconvert. Nagtarget ko 1000 dollars sa sunod buwan. Mangutana mo kung gi-unsa nako mao nga sugdon nako sa sinugdanan. Niadtong Agosto nagset-up ko mga 10 ka blogger accounts. Nagkalainlain nga topic. Dayon ako gibutangan og mga adsense. Ang matag usa ka blog account sa pagsugod mokita sa adsense og .30 dollars ang adlaw og kung duna kay 10 ka blog mokita ko og 3 dollars ang adlaw. Imagina kung naa kay 30 ka blogs. Dili lang adsense makita-an daghan pa ang mabutang nimo sa blog pareha sa nadiscuss na nako sa unang mga post. Nidako og modako pa ang akong kita kay nagparegister na man gyod ko og kaugalingon nga site sama ani www.totallycebu.com.

Mangutana dayon mo unsay isuwat. Daghan ang topic nga mabutang nga makita ra gihapon sa internet pareha aning friendlynet.blogspot.com. Kung tig internet ka makakita ra ka og mga balita o mga trends nga mahimo imong mamodify. Dili ni plagiarism kay imo mang himoung opinionated ang mga article nga imong gipang-usab og suwat.Kinahanglan kugi og gamay. Gamay ra gyod nga kugi sama sa gibuhat nako sa friendlynet nga wala nagkinahanglang og taas nga isuwat. Pwede ra mabutang ang mga topic o mga video nga naka-interest nimo og imo lang atik atikan ang pagsuwat.

Kung naa pa mo'y pangutana post lang sa comment diri kay para magtinabangay ta.

Mga Kinahanglanon Aron Makakwarta sa Internet

Tulo ka importanteng mga butang nga himoun o buhaton aron makakwarta sa internet.

1. Website o Blog. Mangutana ka kung unsaon nimo paghimo og website o blog nga dili mogasto. Daghan ang paagi kay naay mga weblogs network nga muhatag og blog nga libre nga wala pa gyo'y mga ads o ads free. Sama sa nahisgutan na sa nahiunang post, ang blogger.com usa ka libre nga blog platform nga muhatag nimo'g kahigayonan nga makakwarta. Kung kahibaw ka mubasa dali ra kaayo iset-up ang blogger. Basi sa akong nasuwayan, sulod sa 10 minutos mahimo dayon nimo ang imong blog. Gipanag-iya ang blogger.com sa Google busa sigurado nga lig-on ang suporta og mga infrastructure niini. Makabutang ka og mga ads sa nagkalainlaing kumpaniya o produkto nga dili manguta o manghilabot ang mga tagdumala sa Google o sa Blogger.

2. Pag-atiman sa imong blog. Para mudaghan ang mga mobisita sa imong blog kinahanglang imo kining atimanon pinaagi sa pagpost basi sa imong napilian nga blog topic. Ang pagsige og post maoy usa sa mga paagi aron mutaas ang imong ranggo sa search engine. Kung taas ang imong rango sa search engine daghan sad ang mga mobisita og kung daghan ang mobisita daghan nga mopislit o motan-aw sa imong mga advertisement nga mahimo dayong kwarta. Pero kinahanglang undanon ang imong blog aron sad ang mga tao magbalikbalik. Timan-i, english ang pinakamaayong gamiton sa imong blog.

3. SEO. Ang SEO o search engine optimization ang usa sa mga kinahanglanon aron makita o maranggohan sa taas ang imong blog sa search engine. Ang "keywords" maoy importante nga iconsider sa pagbuhat og mga post o article sa imong blog kay pangitaon man sa mga search engine ang keyword density or gidaghanon sa keyword. Kung pananglitan nagblog ka bahin sa tricycle kinahanglang makita o naa kini nga pulong sa matag post apan ayaw sad pasubrahi kay mahimo na sad kining spamming. Pwede sad maoptimize ang imong blog pinaagi sa pag-usab sa mga code apil na ang mga metatags pero sa sunod nalang nato idiscuss kay medyo taas ni nga topic.